ԵՐԵՎԱՆ, 4 նոյեմբերի — Sputnik. Ադրբեջանում գործող միջազգային կազմակերպությունների սոցիալական կայքերի էջերով ատելություն է տարածվում: Այս մասին այսօր լրագրողների հետ զրույցում ասաց ՀՀ ՄԻՊ Արման Թաթոյանը:
«Վեր ենք հանել փաստեր, որ Ադրբեջանի միջազգային կառույցների աշխատողներն իրենք են ատելություն տարածում: Կան բավական մեծ թվով աշխատողներ, որոնք տարածում են ատելություն, վիրավորանքներ, խրախուսում են բռնությունները: Սա միջազգային կազմակերպությունների աշխատանքային կանոնների կոպիտ խախտում է»,- ասաց Թաթոյանը:
Պաշտպանը նաև հայտնեց, որ նման փաստերը հավաքագրվել են ու ուղարկվելու են տվյալ կազմակերպությունների կենտրոնական կառույցների ղեկավարներին:
Թաթոյանը ձեռնպահ մնաց կազմակերպությունները նշելուց, բայց շեշտեց, որ սոցիալական կայքերի էջերը դիտարկվում են որպես քարոզչության տարածման միջոց, որով տվյալ դեպքում խտրականույուն ու բռնություն է քարոզվում:
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 4.-ի ժամը 13։30-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7155 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 252 անօդաչու սարք, 16 ուղղաթիռ, 25 ինքնաթիռ, 697 զրահատեխնիկա, 6 ՏՈՍ համակարգ։
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը