ԵՐԵՎԱՆ, 4 նոյեմբերի — Sputnik. Բերձոր- Շուշի ճանապարհը շարունակում է փակ մնալ անվտանգության նկատառումներով: Այսօր Արցախի տեղեկատվական շտաբում կայացած մամուլի ասուլիսում տեղեկությունը հայտնեց ՀՀ ՊՆ ներկայացուցիչ Արծրուն Հովհաննիսյանը:
«Ճանապարհը փակ է քաղաքացիների համար՝ անվտանգության նկատառումներով: Զինվորականների տեղաշարժի համար ավտոճանապարհը օգտագործվում է»,- ասաց նա՝ քաղաքացիներին խորհուրդ տալով անհրաժեշտության դեպքում երթևեկել այլ ճանապարհներով:
Հարցին, թե որքանով է անվտանգ Արցախը Հայաստանին կապող երկրորդ՝ Քարվաճառի ճանապարհը՝ Հովհաննիսյանը պատասխանեց.
«Ես այսօր Քարվաճառով եմ եկել ու շատ անվտանգ էր»:
Հիշեցնենք՝ թշնամական դիվերսիոն խմբերի հավանական ներթափանցման ուղղություններում ընթանում են որոնողական գործողություններ, ինչով պայմանավորված՝ Շուշի-Բերձոր ճանապարհի որոշ հատվածներ քաղաքացիական բնակչության համար ժամանակավորապես փակ են:
Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 4-ի ժամը 13։30-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7155 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 252 անօդաչու սարք, 16 ուղղաթիռ, 25 ինքնաթիռ, 697 զրահատեխնիկա, 6 ՏՈՍ համակարգ։
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը