ԵՐԵՎԱՆ, 4 նոյեմբերի - Sputnik. Պետական եկամուտների կոմիտեն միացել է հանուն առաջնագծի ու հանուն հաղթանակի իրականացվող ակցիաներին ու խոշոր գումար փոխանցել «Հայաստան» համահայկական և «Զինծառայողների կյանքին կամ առողջությանը պատճառված վնասների հատուցման» հիմնադրամներին։ Պետական եկամուտների կոմիտեն հայտնում է, որ ակտիվ մասնակցում է հնարավոր բոլոր միջոցառումներին՝ թիկունքից օգնելու հայոց բանակին։
Կոմիտեն մինչ օրս շուրջ 530 միլիոն դրամ է փոխանցել «Հայաստան» համահայկական և «Զինծառայողների կյանքին կամ առողջությանը պատճառված վնասների հատուցման» հիմնադրամներին։
ՊԵԿ-ը միացել է նաև «Թուղթը վերածենք զենքի» նախաձեռնությանը և ուղարկել թղթի թափոնների առաջին խմբաքանակը։
«Գործընթացը կլինի շարունակական»,- խոստանում է կոմիտեն ու հայտնում, որ բացի համատեղ նախաձեռնություններից, կառույցի աշխատակիցները առաջնագծին օգնելու համար նաև սեփական նախաձեռնություններով են հանդես գալիս։
Էդուարդո Էռնեկյանը «Հայաստան» հիմնադրամին 3,5 մլն դոլար է նվիրաբերել
Օրերս ՊԵԿ աշխատակիցը «Nissan Pathfinder» մակնիշի իր անձնական մեքենան է նվիրել ՀՀ պաշտպանության նախարարությանը՝ համոզված լինելով, որ այն այսօր առավել անհրաժեշտ է բանակին և կծառայի հաղթանակին։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 4.-ի ժամը 13։30-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7155 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 252 անօդաչու սարք, 16 ուղղաթիռ, 25 ինքնաթիռ, 697 զրահատեխնիկա, 6 ՏՈՍ համակարգ։
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը