Համացանցում հայտնվել է սիրիացի վարձկան ահաբեկչի գերեվարության մասին տեսանյութը։ Դրանում ներկայացվում է գերեվարումից հետո տիրող իրավիճակը, երբ հայ կամավորականները փորձում են խոսել ռազմագերու հետ, բայց նա ոչ մի լեզու չի հասկանում։
Զինվորներից մեկը փորձում է նրան թուրքերենով հարցեր տալ, մյուսը անգլերենով, մեկ ուրիշը ռուսերենով։ Բայց սիրիացի վարձկանը ոչ մի լեզու չի հասկանում։
Վերջում հայ կամավորները վիրավոր վարձկանին կտորե պատգարակով են տեղափոխում, որ չմահանա։
Սիրիացի ահաբեկչին գերեվարվել էին Արցախի հերոս Վլադիմիր Բալայանի անվան կամավորական ջոկատի ազատամարտիկները, հոկտեմբերի 30-ին։
Ռազմագերին 1988թ.-ի ծնված, Սիրիայի Իդլիբ նահանգի Ջեսրալ Շուուր շրջանի Զիյադիյա գյուղի բնակիչ Յուսուֆ Ալաաբեթ ալ Հաջին է: Նա ծնունդով Սիրիայի Համմա քաղաքից է:
Ավելի ուշ վարձկանը ՀՀ իրավապահներին պատմել էր, որ ամուսնացած է, ունի 5 երեխա: Արցախ է եկել «քաֆիրների» (անհավատների) դեմ կռվելու համար։ Իրենց խոստացել են ամսական 2000 դոլար վարձավճար ու ևս 100–ական դոլար «պարգևավճար»՝ ամեն «քաֆիրի» գլուխ կտրելու համար:
«Ադրբեջանն ինքն իրեն խոստովանեց...». Նիկոլ Փաշինյանը` վարձկանների մասին