ՀՀ ՊՆ ներկայացուցիչ Արծրուն Հովհաննիսյանը քիչ առաջ բացառիկ տեսանյութ է հրապարակել արցախյան ռազմաճակատի հարավային հատվածից։ Տեսանյութը նկարահանել է banak.info կայքը։
Դրանում ներկայացված է ջախջախված հակառակորդի կողմից լքված զինտեխնիկան։
Տեսանյութում պատկերված է հիմնականում զրահատեխնիկա, որը շարված է ճանապարհի ողջ երկայնքով։
Հիշեցնենք` հոկտեմբերի 23-ի տվյալներով` Արցախի հարավային ուղղությամբ ադրբեջանական ԶՈւ ստորաբաժանումները փորձել էին գրոհել Որոտանի ուղղությամբ։ Մի քանի գրոհներ տապալվել էին, որից հետո զգալի կորուստներ կրելով՝ հետ էին շպրտվել։
Արծրուն Հովհաննիսյանը հայտնել էր, որ որոշ ստորաբաժանումներ կազմալուծվել են և կորցնելով ռազմատեխնիկան` դիմել փախուստի և փորձել թաքնվել մոտակա անտառներում և ձորակներում։
Ներկայացված կադրերում, ըստ ամենայնի, հենց այդ կորցրած զինտեխնիկան է։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:
Հայը, «սիրիացին» ու բելառուսը. «հին գելերը» մեկնել են առաջնագիծ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը