Հաջող փորձարկումից հետո սարքը թույլատրվում է հանել առաջին թռիչքին, հայտնում է nplus1.ru պարբերականը։
Loyal Wingman–ն առաջին ցածր արագության փորձարկման ժամանակ մի շարք մանևրումներ է կատարել։ Մասնագետները ստուգել են արգելակների աշխատանքը, շարժիչի կառավարման և ղեկային համակարգերը։ Իրականացրած այլ ստուգումների մանրամասներ չեն հայտնում։ Loyal Wingman–ի առաջին թռիչքը պետք է կայանա մինչև 2020 թվականի վերջ։
Loyal Wingman–ի երկարությունը 11 մետր է։ Սարքը մոդուլային սկզբունքով է ստեղծվել։ Անօդաչուի ծանրաբեռնվածությունը 2.6 մետր երկարություն ունեցող փոխարինվող քթի հատվածի վրա է ընկնելու։ Անօդաչուն կկարողանա թռիչքներ իրականացնել մինչև 3.7 հազար կմ հեռավորության վրա` տանելով լրացուցիչ սպառազինություն կամ հայտնաբերման և դիտարկման համակարգեր։
Ավստրալիայի ՌՕՈւ պատվերով իրականացված Loyal Wingman անօդաչուի ցամաքային փորձարկումները մեկնարկել են 2020 թվականի սեպտեմբերին։ Ցամաքային փորձարկումների առաջին փուլի ընթացքում մասնագետները ստուգել են շարժիչը, վառելիքային համակարգը, օդանավի սարքավորումների աշխատանքի ճշտությունը։