Հայաստանում ու Արցախում օդի ջերմաստիճանը կշարունակի փոքր-ինչ նվազել. եղանակի տեսություն

ԵՐԵՎԱՆ, 21 հոկտեմբերի – Sputnik. Այսօր Հայաստանի առանձին շրջաններում անձրև կտեղա։ Տեղեկությունը հայտնում է ՀՀ արտակարգ իրավիճակների նախարարությունը։

Տեղումները կդադարեն հոկտեմբերի 22–ին, և մինչև ամսի 25-ը Հայաստանում առանց տեղումների եղանակ կլինի։

Օդի ջերմաստիճանը երեկվանից սկսել է 2-4 աստիճանով նվազել, Լոռիում, Տավուշում, Սյունիքում և Արցախում՝ 6-8 աստիճանով, սակայն օդերևութաբանների կանխատեսումների համաձայն` հոկտեմբերի 23-25-ը ջերմաստիճանը նույնքան կբարձրանա։

Այսօր Երևանի առանձին հատվածներում հնարավոր է թույլ անձրև։ Մայրաքաղաքում ցերեկային ժամերին օդի ջերմաստիճանը կտատանվի +22-ից +24–ի սահմանում, իսկ գիշերը կնվազի մինչև +8–ից +10 աստիճան։