ԵՐԵՎԱՆ, 20 հոկտեմբերի — Sputnik. Հայ առաջատար գրոսմայստեր Լևոն Արոնյանը պատրաստ է անել ամեն ինչ, որպեսզի օգնի Հայաստանին և Արցախին: Այս մասին աշխարհահռչակ շախմատիստն ասել է chess24 շախմատային պարբերականին տված հարցազրույցում։
«Իմ երկիրը հարձակման է ենթարկվում Թուրքիայի և Ադրբեջանի կողմից։ Մենք փորձում ենք պաշտպանել ինքներս մեզ և աշխարհում ապրելու մեր իրավունքը։ Արցախում տիրող պատերազմն այժմ յուրաքանչյուր հայի գլխավոր մտահոգությունն է։ Վաղը ես վերադառնում եմ Հայաստան և կանեմ այն ամենը, ինչ իմ ուժերի սահմաններում է, որպեսզի օգնեմ իմ երկրին հաղթահարել այս արհավիրքը։ Եթե երկրիս համար անհրաժեշտ լինի, որ ես լինեմ բանակում, ես կլինեմ այնտեղ», - ասել է Արոնյանը։
Գրոսմայստերն առաջին անգամ չէ, որ անդրադառնում է Արցախում ընթացող պատերազմին։ Ավելի վաղ նա Facebook-ի իր էջում գրել էր, որ չի կարող լռել, քանի որ իր հայրենիքը հարձակման է ենթարկվում։ Արոնյանը վստահություն է հայտնել, որ ղարաբաղյան հակամարտությունը կարելի է լուծել բանակցությունների միջոցով, սակայն դա ենթադրում է երկխոսություն, այլ ոչ թե այս կամ այն պայմանների առաջադրում:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները