ԵՐԵՎԱՆ, 20 հոկտեմբերի - Sputnik. Լոռու մարզի Մեծավան համայնքի փոքրիկ տղաները հայոց բանակին օգնելու իրենց տարբերակն են գտել։ Մեծավանի համայնքապետարանը Facebook-ի իր էջում լուսանկար է հրապարակել, որում երևում է, որ 5 ընկերներով գումար են հավաքել ու բերել համայնքապետարան, որպեսզի փոխանցեն «Հայաստան» համահայկական հիմնադրամին։
Երեխաներն ընդհանուր առմամբ հավաքել են 68000 դրամ։
Տղաների խոսուն հայացքներով լուսանկարը մեծ արագությամբ տարածվում է սոցցանցերի հայկական տիրույթում։
Բազմաթիվ հայեր շնորհակալություն են հայտնում երեխաներին կարևոր գործի համար։ Լուսանկարը տարածել են ավելի քան 1800 սոցցանցային օգտատերեր։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները