Գերմանական Bild պարբերականի թղթակից Փոլ Ռոնցհայմերը Facebook-ի իր էջում տեսանյութ է հրապարակել Ստեփանակերտից՝ ներկայացնելով, թե ինչպես են հայ լրագրող տղաները «Երազ իմ երկիր հայրենի» երգը երգում։
«Ի՞նչ կարող ես անել, եթե ամբողջ օրդ ռմբակոծությունների և օդային տագնապի ազդանշանների մասին է: Ի՞նչ կարող ես անել, որ ամեն վայրկյան չվախենաս քո կյանքի համար: Ուղղակի երգել»,-գրել է լրագրողը։
Նշենք, որ Փոլ Ռոնցհայմերն օրեր շարունակ լուսաբանում է Արցախում տիրող իրավիճակը։
Լրագրողի հետևորդները շատ են հավանել տեսանյութը, իսկ նրանցից մեկը երգի բառերը թարգմանել է գերմաներեն, որպեսզի բոլորը կարդան, թե ինչի մասին են երգում հայ տղաները։
Հուզիչ տեսանյութն այժմ արագորեն տարածվում է սոցցանցի հայկական տիրույթում։ Օգտատերերը բոլորը լրագրողներին համբերություն ու առողջություն են մաղթում և անփորձանք վերադարձ իրենց տներ։
«Զինվորներն են ինձ դուխ տալիս, ասում են` կամանդիր, ոչ մի խնդիր չկա». տեսանյութ առաջնագծից