ԵՐԵՎԱՆ, 7 հոկտեմբերի – Sputnik. Մեղրիի համայնքապետ Մխիթար Զաքարյանը վիրավորվել է Արցախում։ Տեղեկությունը Sputnik Արմենիային հաստատեցին Մեղրիի համայնքապետարանում։
«Վիրավորում է ստացել, նրան տեղափոխել են Երևանի հիվանդանոցներից մեկը», - ասացին համայնքապետարանից։
Զաքարյանի վիճակն այժմ կայուն է։ 50-ամյա համայնքապետը վիրավորվել է հակառակորդի հրետանու հասցրած հարվածներից, չճշտված տեղեկությունների համաձայն՝ նա կռվելիս է եղել Արցախի հարավում։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 244 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 390 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ