ԵՐԵՎԱՆ, 5 հոկտեմբերի – Sputnik. Այսօր առավոտյան կրկին հրետակոծվել է Արցախի մայրաքաղաք Ստեփանակերտը: Sputnik Արմենիայի տեղի թղթակիցը հայտնում է, որ ժամը 6։40-ին ուժեղ պայթյուն է հնչել, որին իրար հետևից հաջորդել են 6 այլ հարվածներ։
Ձայնային ազդանշանային համակարգը միացվել է։ Այն վերջին օրերին օրական շուրջ 20 անգամ միանում է։
Մայրաքաղաքում մառախուղ է, որը դժվարացնում է հակառակորդի ԱԹՍ–ների «աշխատանքը», որոնք շատ ակտիվ են գործում ռազմական գործողությունների սկսման պահից։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հակառակորդը նախապատրաստվում է իրականացնել հարձակողական գործողություններ. Արցախի ՊԲ
Հոկտեմբերի 4-ի ժ. 21։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։
Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ