Ականազերծման մարդասիրական կենտրոնի տնօրեն Սամվել Մեսրոպյանը Sputnik Արմենիայի թղթակցին այդպիսի զինամթերք է ցույց տվել, որը հայտնաբերվել է Ստեփանակերտը գնդակոծելուց հետո։
Նրա խոսքով՝ նման ռումբով են լիցքավորված իսրայելական այնպիսի համակարգերի հրթիռները, ինչպիսիք են LAR-160-ը, LORA-ն, Barak-ը։ Այդ ռումբը, որը նախատեսված է թեթև տեխնիկայի և կենդանի ուժի համար, ՄԱԿ-ի կոնվենցիայով արգելվում է կիրառել ամբողջ աշխարհում։
«Մի քանի օրում սրանից 50-60 հատ էինք գտել։ Այսօր առավոտյան մեկ ժամվա ընթացքում` արդեն 60 հատ», - ասաց Մեսրոպյանը։
Նրանք քաղաքից հավաքում են ռազմամթերքը, որպեսզի հետագայում ոչնչացնեն։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 3-ի ժ. 22։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 2730 զոհ ունի, 4400 վիրավոր։ Հակառակորդը նաև զինտեխնկայի զգալի կորուստ ունի և շարունակում է գրանցել։
Ըստ վերջին տվյալների ՝ Ադրբեջանի զինված ուժերը կորցրել են 14 ինքնաթիռ, 14 ուղղաթիռ, 123 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 372 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ