ԵՐԵՎԱՆ, 4 հոկտեմբերի – Sputnik. Ադրբեջանի նախագահի օգնական Հիքմեթ Հաջիևը լուսանկար է հրապարակել՝ ակամա ցույց տալով թևին թուրքական նշանով զինծառայողին։
Հաջիևը գրառում էր կատարել «Հայաստանի տարածքից» Գյանջայի վրա հրթիռակոծության մասին և մի քանի լուսանկար հրապարակել։
Պնդումները, թե իբր Մատաղիսը գտնվում է Ադրբեջանի վերահսկողության տակ, սուտ են
Լուսանկարներից մեկում երևում էր համազգեստի վրա ուսի հատվածում կարված թուրքական նշանով զինծառայողը։
Շուտով Հաջիևն այդ գրառումը հեռացրել էր, սակայն մեզ մոտ պահպանվել են սքրինշոթերը։
Ավելի ուշ նա նոր գրառում էր արել, որտեղ նշել էր, որ դրանք «Ադրբեջանի քաղպաշտպանության ուժերն են, որոնք մասնակցում էին համատեղ զորավարժություններին»։
Ավելի վաղ հայտնի էր դարձել, որ Գյանջայում (նախկինում` Կիրովաբադ) գտնվող Ադրբեջանի ԶՈւ ռազական օդանավակայանը ոչնչացվել է։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 3-ի ժ. 22։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 2730 զոհ ունի, 4400 վիրավոր։ Հակառակորդը նաև զինտեխնկայի զգալի կորուստ ունի և շարունակում է գրանցել։
Ըստ վերջին տվյալների ՝ Ադրբեջանի զինված ուժերը կորցրել են 14 ինքնաթիռ, 14 ուղղաթիռ, 123 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 372 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ