Արցախցի Սոսե Բալասանյանն իր գործընկերների հետ առաջնագծում է։ Sputnik Արմենիայի հետ զրույցում Բալասանյանն ասում է, որ խաղաղ պայմաններում ձյուդոիստ է, իսկ կռվի ժամանակ` հայրենիքի պաշտպան։
«Դեռ դպրոցական տարիներից տիրապետում եմ զենքին, նախնական զինվորական պատրաստվածություն եմ անցել։ Մեր պարտքն ու սուրբ գործն է գալ, կանգնել հայրենիքի և տղերքի կողքին»,–ասում է Բալասանյանը։
Գոտիներով ըմբշամարտի Եվրոպայի չեմպիոն, ձյուդոյի Եվրոպայի փոխչեմպիոն Բալասանյանն ասում է, որ մարդիկ չպետք է իրենց հայրենիքում վախով ապրեն։
Ի դեպ, Բալասանյանը սիրում է ռուս մեծ գրող Ալեքսանդր Պուշկինին, ում բանաստեղծություններից որոշներն անգամ անգիր գիտի։