ԵՐԵՎԱՆ, 28 սեպտեմբերի – Sputnik. ՌԴ-ում Հայաստանի դեսպան Վարդան Տողանյանը ՌԻԱ Նովոստիի հետ զրույցում հերքել է Լեռնային Ղարաբաղից մարդասիրական միջանցքներ կազմակերպելու տեղեկությունը։ Նրա խոսքով` նման միջոցառումների անհրաժեշտություն չկա:
Ավելի վաղ որոշ ԶԼՄ-ներ, վկայակոչելով դեսպանին, հայտնել էին, որ Հայաստանը Լեռնային Ղարաբաղի բնակիչների տարհանման ծրագիր է մշակում է և քննարկում է հումանիտար միջանցքներ կազմակերպելու հարցը:
«Գործընկերները սխալ են մեկնաբանել. ես ասել եմ` քանի որ 1992 -ից հետո առաջին անգամ ռմբակոծում են, այդ թվում ՝ Ստեփանակերտը, օդային տագնապների ժամանակ մարդիկ պետք է գտնվեն նկուղներում և ապաստարաններում: Եվ մենք տարբերակներ ու սցենարներ ենք մշակում, թե այդ ռմբակոծությունների ժամանակ ինչպես մարդկանց հասցնենք ապաստարաններ, իսկ հետո վերադարձնենք տներ ու բնակարաններ», - ասել է դեսպանը։
«Բնակչության տարհանման մասին, իհարկե, խոսք չի եղել։ Միջանցքների անհրաժեշտություն չկա, մենք ունենք սահման (Լեռնային Ղարաբաղի հետ-խմբ.), որը գործում է, մարդիկ նորմալ գնում–գալիս են»,- նշել է դիվանագետը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 36 անօդաչու թռչող սարք, 47 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։
Արսեն Թորոսյանն այցելել է վիրավոր զինծառայողներին. լուսանկարներ
Հակառակորդի կրակոցների հետևանքով զոհվել են 58 զինծառայողներ և 2 քաղաքացիական անձինք։ Հայկական կողմը շուրջ 200– վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։
Հայ բարձրաստիճան զինվորականի մահվան մասին լուրերը սուտ են. Հովհաննիսյան