ԵՐԵՎԱՆ, 23 սեպտեմբերի – Sputnik. Ութ ռուսաստանցի, ինչպես նաև Ռուսաստանում ու Ֆինլանդիայում գործող յոթ կազմակերպություն ընդգրկվել են ԱՄՆ պատժամիջոցների ցուցակում: Տեղեկությունը հայտնում են ռուսական լրատվամիջոցները`հղում անելով ԱՄՆ ֆինանսների նախարարության մամուլի ծառայությանը։
Նշվում է, որ պատժամիջոցները սահմանվում են կիբեռհանցագործությունների, ամերիկյան ընտրություններին «միջամտելու», ինչպես նաև Ուկրաինայի իրադրության կապակցությամբ:
«Սև ցուցակում» հայտնված ֆիզիկական անձանցից չորսը Սանկտ Պետերբուրգից են, երեքը գտնվում են Կենտրոնական Աֆրիկայի Հանրապետությունում, ևս մեկը ՝ Ֆինլանդիայում:
Հասան Ռոհանին շնորհակալություն է հայտնել Ռուսաստանին և Չինաստանին
Ընկերությունների թվում են Ֆինլանդիայում գտնվող Acex OY-ն, GCH Finland OY-ն, Optima Freight OY-ն և Unicum Trade OY-ն, Lobaye Invest-ը ԿԱՀ-ից, ինչպես նաև «Մ-ՖԻՆԱՆՍ» ՍՊԸ-ն և Պետերբուրգի «Օկեանոս» գիտաարտադրական ձեռնարկությունը:
Կրեմլի «դավադիր» պլանը՝ կործանել Ամերիկան, փրկել Թրամփին
Հիշեցնենք, որ այս տարվա սկզբին Միացյալ Նահանգներն արդեն ընդլայնել էր Ռուսաստանի դեմ պատժամիջոցների ցանկը։ Այն ժամանակ «սև ցուցակում» էին հայտնվել ութ ֆիզիկական անձինք ու «Գրանդ էքսպրես սերվիս» ընկերությունը։ Բացի այդ, սահմանափակող միջոցներ էին սահմանվել Սևաստոպոլի նահանգապետի ժամանակավոր պաշտոնակատար Միխայիլ Ռազվոժաևի, քաղաքային օրենսդիր մարմնի խոսնակ Վլադիմիր Նեմցևի և Սևաստոպոլի սենատորներից մեկի` Եկատերինա Ալթաբաևայի նկատմամբ:
Թրամփը ևս մեկ տարով երկարաձգել է Ռուսաստանի դեմ պատժամիջոցները