Ռուսաստանի Աստրախանի մարզի «Կապուստին Յար» զորավարժարան են ժամանել տարբեր պետությունների զինվորականներ։ Նրանք կմասնակցեն «Կովկաս-2020» բազմազգ զորավարժություններին։
Վարժանքների ընթացքում խստագույնս կպահպանվեն հակահամաճարակային կանոնները՝ ախտահանվել են յուրաքանչյուր զինծառայողի կոշիկն ու ձեռքերը, այնուհետև ջերմաչափում և կորոնավիրուսի թեստավորում է իրականացվել:
Համատեղ գործողությունները կընթանան գրեթե մեկ շաբաթ ։ «Կովկաս-2020»-ին մասնակցում են 80 հազար մարդ։ Զինվորականները հետ կմղեն պայմանական հակառակորդի օդային հարվածները, այնուհետև կփորձեն անցնել գրոհի և ջախջախել թշնամուն:
Զորավարժություններին կմասնակցեն նաև Հայաստանից ժամանած զինծառայողները։
Զորավարժությունները կրում են զուտ պաշտպանական բնույթ և ուղղված չեն որևէ երկրի դեմ։ Զորավարժությունները զուգահեռ կանցկացվեն ՀՌՕ մի քանի զորավարժարաններում, ինչպես նաև Սև և Կասպից ծովերի տարածքներում:
Հայկական ԶՈՒ ստորաբաժանումը կմասնակցի «Կովկաս-2020»–ին. հրավիրված է նաև Ադրբեջանը