ԵՐԵՎԱՆ, 9 սեպտեմբերի – Sputnik. ՀՀ առողջապահության նախարարությունը տեղեկացնում է, որ օգոստոսի 31-ից սեպտեմբերի 9-ն ընկած ժամանակահատվածում ՀՀ-ում արձանագրվել է ալկոհոլային թունավորման 46 դեպք, որից 18-ը` մահվան ելքով: Facebook
Առողջապահության նախարարությունը սեպտեմբերի 1-ին հայտարարեց, որ Արմավիրում ալկոհոլային թունավորման հետևանքով 9 մարդ է մահացել։ Նույն օրը ՀՀ քննչական կոմիտեն հայտնեց` ձերբակալվել է Արմավիրի բնակիչ Աշոտ Հովսեփյանը` անվտանգության պահանջներին չհամապատասխանող օղի վաճառելու համար։ Քննչական կոմիտեն հորդորում էր, որ բոլոր նրանք, ովքեր օղի են գնել Հովսեփյանից, չխմեն այն։
«Դեպքերից 29-ը արձանագրվել են Արմավիրի մարզում (10 մահվան ելքով), 15-ը` Երևանում (7-ը` մահվան ելքով), 2-ը` Կոտայքի մարզում (1 մահվան ելքով): Նշված ժամանակահատվածում տարբեր բժշկական կազմակերպություններում բուժում են ստացել 28 տուժած, որից 22-ը բուժում ստանալուց հետո դուրս են գրվել (4-ը` կուրացած)»,–նշված է նախարարության` Facebook սոցցանցի պաշտոնական էջում։
Կարծել է` ցորենի մաքուր սպիրտ է. «թունավոր» օղու համար ձերբակալվածին նորից թեստավորել են
Միաժամանակ, դեռևս շարունակում են բուժում ստանալ 5 պացիենտ, որից 2-ը՝ «Արմենիա» հանրապետական ԲԿ-ում (1 պացիենտ ծայրահեղ ծանր վիճակում, 1-ը` բավարար, սակայն նա կորցրել է տեսողությունը, 1-ը՝ Էրեբունի ԲԿ-ում է (ծայրահեղ ծանր վիճակում, կուրացած, 1-ը՝ Թիվ 1 համալսարանական հիվանդանոցում (ծայրահեղ ծանր վիճակում), 1-ը՝ Սուրբ Գրիգոր Լուսավորիչ ԲԿ-ում (ծանր վիճակում):
Արձանագրված դեպքերից 28-ի ժամանակ օգտագործել են օղի, որը գնել են Արմավիր քաղաքի բնակիչ Հովսեփյան Աշոտից, որն իր հերթին այն գնել է Ջանֆիդա գյուղի բնակչից։ Թունավորվածներից 9-ը օգտագործել են տարբեր դեղատներից գնված բժշկական սպիրտ, 9-ը՝ տարբեր տեսակի օղի (2-ը Արմավիրի մարզի տնական օղի):
«Մահացու օղուց» ևս 200 լիտր է հայտնաբերվել Արմավիրում. տեսանյութ
Հիշեցնենք, որ Sputnik Արմենիան այցելել էր Արմավիր` Աշոտ Հովսեփյանի բնակության վայր` դեպքի առնչությամբ մանրամասներ իմանալու։ Նրա հարևաններն ասում էին, որ Աշոտը հանուն շահի օղու մեջ ոչ պիտանի սպիրտ չէր կիրառի և, ամենայն հավանականությամբ, նրա «գլխին սարքել են»։