ԵՐԵՎԱՆ, 25 օգոստոսի – Sputnik. ՌԴ ժողովրդական արտիստ Արմեն Ջիգարխանյանի նախկին կինը՝ Վիտալինա Ցիմբալյուկ-Ռոմանովսկայան, իսկապես պարտքով երկու միլիոն ռուբլի է վերցրել գործարար Յուրի Ռաստեգինից, բայց պարտքը մարված է։ Այդ մասին նա պատմել է Дни.ру-ին տված հարցազրույցում։
«Նա իմ առաջին տղամարդն էր». Վիտալինան պատմել է իր ու Ջիգարխանյանի հարաբերությունների մասին
Ավելի վաղ հայտնի էր դարձել, որ Ռաստեգինը որոշել է դատական կարգով Ցիմբալյուկից հետ ստանալ երկու միլիոնը։ Ավելին, նշվում էր, որ Ցիմբալյուկ-Ռոմանովսկայան հույս ունի պարտքի գումարը նվազեցնել նախկին ամուսնու հաշվին, քանի որ կարծում է, որ գումարի մի մասը պետք է Ջիգարխանյանը վճարի։
«Ռաստեգինը Ջիգարխանյանի հետ գործարք էր կնքել․ գործարարը գնում էր իմ` հիմա արդեն նախկին ամուսնու Մոսկվայի Ստարոկոնյուշեննի նրբանցքում գտնվող բնակարանի մի մասը։ Եվ այդ երկու միլիոնը, որի մասին խոսում ենք, նա իրոք ինձ պարտքով տվել է բնակարանի գնման գործարքից մոտ կես տարի առաջ։ Բայց վերջնական արդյունքում նա այդ գումարը հաշվեց բնակարանի համար վճարած գումարի մեջ։ Առք ու վաճառքի պայամանագրում այդ փաստն արձանագրված է»,-պարզաբանել է Վիտալինան։
Նա նշել է, որ գումարը վերցրել է Մոլոդոգվարդեյսկի փողոցի 132 քմ տարածքով բնակարանը վերանորոգելու համար, որտեղ պետք է ապրեին ինքն ու Ջիգարխանյանը։ Ունի դա հաստատող բոլոր կտրոններն ու փաստաթղթերը։
Բնակարանը նորոգվել և կահավորվել է դերասանի ճաշակով և այնպես, որ նրան հարմար լինի։ Հիմա Վիտալինան ապրում է այդ բնակարանում։ Նա նշել է, որ նախկին ամուսինն իր հետ չի ապրում կա՛մ սեփական ցանկությամբ, կա՛մ էլ ընկերները թույլ չեն տալիս դա։
«Ռաստեգինի և Ջիգարխանյանի այդ գործարքի ավարտից հետո ես չխնդրեցի նրան ինձ վերադարձնել ստացականները։ Եվ հիմա Ռաստեգինն օգտվում է այդ փաստից։ Օրենքով ես պարտավոր չեմ նրան որևէ բան վճարել։ Եվ վերաքննիչ դատարանը վերջին ատյանը չի լինի, ուր ես կդիմեմ, եթե կարիք լինի։ Այդ գումարի դիմաց նա արդեն ստացել է Ստարոկոնյուշեննի փողոցի բնակարանի մասնաբաժինը։ Ինչո՞ւ պետք է նորից փող տամ նրան։ Բայց եթե գործը հասնի դատարան, ապա նախկին ամուսինս նույնպես պետք է վճարի, քանի որ այդ ժամանակ մենք ամուսնացած էինք։ Եվ այսօր փաստաբանը համապատասխան միջնորդություն է պատրաստում»,-ասել է Վիտալինան։
«Նրա մոտ ամեն ինչ կարգին է»․ Ջիգարխանյանի ընկերը հայտնել է, որ արտիստն արդեն տանն է
Վիտալինան նշել է, որ Ջիգարխանյանի ընկերները ծրագրում էին իրեն տասը տարով բանտ նստեցնել և բռնգրավել ողջ ունեցվածքը։ Ավելին՝ խարդախությունների միջոցով նրանք տիրացել են Գլուխովոյի բնակարանին, որտեղ ինքն ապրում էր դերասանի հետ։ Նրա խոսքով՝ այնտեղ ինքն ամաչում էր անգամ շտապ օգնություն կանչել Ջիգարխանյանի համար։
«Այդ բնակարանն իմ սեփականությունն էր 2012թ․-ից։ Ինձ նույնիսկ թույլ չտվեցին անձնական իրերս վերցնել այնտեղից՝ նոտաները, մեծ գրադարանը․․․ փաստացի, դա ներխուժում ու զավթում էր»,-ասել է Վիտալինան։
Հիմա բնակարանը ձևակերպված է Արմեն Բորիսովիչի անունով, բայց նա այնտեղ չի ապրում։ Վիտալինայի խոսքով՝ բնակարանը դերասանին ընդհանրապես պետք չէ՝ նա մնացել է առանց ընտանիքի, առանց հարազատների, առանց ժառանգների։ Նա գտնում է, որ Ջիգարխանյանը ծանր հիվանդ մարդ է, որի շուրջ անընդհատ ինչ-որ անցուդարձ կա։
«Այ այսպիսի տխուր ձախողում՝ նրա կյանքի մայրամուտին։ Ես վատ եմ զգում, երբ մտածում եմ, թե կողքից այս ամենն ինչ տեսք ունի, և թե ինչպիսին է նա մնում մարդկանց հիշողություններում։ Ես կցանկանայի, որ նրա կենսագրությունը փոքր-ինչ այլ տեսք ունենար»,-պարզաբանել է նախկին կինը։
Ցիմբալյուկ-Ռոմանովսկայան պարզաբանել է, որ իր կողմից խարդախության ոչ մի փաստ չի ապացուցվել: Գումարն իր հաշիվներից միշտ էլ հանել Է Ջիգարխանյանը։ Վիտալինան նշել է, որ մարդիկ իր հետ ծանոթանալիս հաճախ ասում են միայն մեկ արտահայտություն․ «Ինչպես խայտառակ եղավ ձեր նախկին ամուսինը»։ Նրա խոսքով՝ բոլորն իրեն լավ են վերաբերվում, կարեկցում ու խղճում են որպես կնոջ, որին անարդարացիորեն վիրավորել են։
«Նրա պահվածքը զզվեցրել է». Արմեն Ջիգարխանյանի որդին քննադատել է հոր նախկին կնոջը
Ինչ վերաբերում է Ջիգարխանյանի հետ հարաբերություններին, Վիտալինան նշել է, որ ինքն իրեն հարց է տալիս և հետաքրքրվում է` գուցե Արմեն Բորիսովիչին հետապնդո՞ւմ են, գուցե նրան արգելված դեղանյութե՞ր են տալիս։
Հիշեցնենք` Ջիգարխանյանի և Ցիմբալյուկ–Ռոմանովսկայայի ամուսնությունը 2 տարի տևեց, այդ ընթացքում դերասանը կնոջը դարձրեց իր թատրոնի ղեկավարը, սակայն վեճից հետո մեղադրեց Վիտալինային խարդախության և իր նկատմամբ մահափորձ իրականացնելու մեջ։
Այսօր արտիստի մասին հոգ է տանում նրա նախկին կինը` Տատյանա Վլասովան, որի հետ նա ապրել է 48 տարի` 1967-2015 թվականներին։ Վլասովան նախկին ամուսնու մոտ է վերադարձել 2019 թվականի դեկտեմբերին։ Նրանք միասին են անցկացրել ամանորյա տոները։