ԵՐԵՎԱՆ, 19 օգոստոսի - Sputnik. Երևանում վրաերթի երկու դեպք է գրանցվել, որոնց հետևանքով 10 և 13 տարեկան տղաներ են տուժել։ Տեղեկությունը հայտնում է ՀՀ ոստիկանության մամուլի ծառայությունը:
Նշվում է, որ օգոստոսի 18-ին, ժամը 15.05-ին, Երևանի Չեխովի փողոցում «Օպել» մակնիշի ավտոմեքենայի վարորդը վրաերթի է ենթարկել 10-ամյա տղայի, որը մարմնական վնասվածքներով տեղափոխվել է հիվանդանոց:
Նույն օրը, ժամը 22.45-ին, Երևանի Սուրենյան փողոցում «Ռենջ Ռովեր» մակնիշի ավտոմեքենայի վարորդը վրաերթի է ենթարկել 13-ամյա տղայի, որը ևս մարմնական վնասվածքներով տեղափոխվել է հիվանդանոց:
Կատարվում է քննություն: