ԵՐԵՎԱՆ, 17 օգոստոսի – Sputnik. Իրազեկ աղբյուրը հերքել է Բրիտանիայի թագուհի Եղիսաբեթ Երկրորդի հետ հեռախոսազրույցի ժամանակ նրա թոռան՝ արքայազն Հարրիի ագրեսիվ պահվածքի մասին լուրերը: The Telegraph-ի թղթակիցները մանրամասներ են բացահայտել։
Ավելի վաղ տեղեկություն էր տարածվել, որ տհաճ խոսակցությունը տեղի է ունեցել արքայազն Հարրիի և նախկին դերասանուհի Մեգան Մարքլի հարսանիքից առաջ:
«Թագուհին, ամենայն հավանականությամբ, հենց այն մարդն է, որին Հարրին այս աշխարհում ամենից շատ է հարգում ու գնահատում»,-նշել է անանուն աղբյուրը։ Նրա խոսքով՝ արքայազնը ուղղակի չէր կարող կոպիտ խոսել տատի հետ։
Աղբյուրը «լիակատար զառանցանք» է անվանել մամուլում հրապարակված բոլոր աղմկահարույց տեղեկությունները արքայազն Հարրիի կնոջ հարսանեկան զարդի պատճառով թագավորական ընտանիքում տեղի ունեցած վեճի մասին:
Ավելի վաղ՝ օգոստոսի 17-ին, Հարրիի և Մեգանի կյանքի մասին պատմող «Ազատություն գտնելիս» գրքի հեղինակ Օմիդ Սքոբին պատմել էր, որ արքայական ընտանիքում վեճ է տեղի ունեցել Մեգան Մարքլի զարդի պատճառով։ Վեճը իբր սկսվել է նրանից, որ թագուհու օգնական կինը հրաժարվել է գնալ Մեգանի մոտ և օգնել փորձել տոնակատարության համար ընտրված թագը։
Գրողը հայտարարել է, որ հեռախոսազրույցի ժամանակ Հարրին բողոքել է և բղավել տատի վրա․ «Գրողը տանի, ես չեմ հասկանում` ինչ է կատարվում։ Այդ կինը պարտավոր է կատարել իր աշխատանքը իմ ապագա կնոջ համար»։ Արքայազն Հարրիի հետ զրույցի ժամանակ Եղիսաբեթ 2-րդի արձագանքի մասին Օմիդ Սքոբին չի հայտնել։
Մեգանը և Հարրին հրավիրված չէին. արքայադուստր Բեատրիսը գաղտնի ամուսնացել է. լուսանկարներ
Հիշեցնենք` ապրիլի 1-ից արքայազն Հարրին ու Մեգան Մարքլը դադարեցին կատարել բրիտանական թագավորական ընտանիքի անդամների պարտականությունները և սկսեցին ինքնուրույն ապրել: Նրանք որոշեցին տեղափոխվել ԱՄՆ, աշխատել և զբաղվել ձեռնարկատիրական գործունեությամբ, հանուն դրա հրաժարվեցին թագավորական տիտղոսից, պետական ֆինանսավորումից և Sussex Royal ապրանքանիշից։
Ամուսինները Կանադայից Լոս Անջելես են տեղափոխվել։ Սակայն առաջին 12 ամիսները նրանց համար փորձաշրջան կհամարվի։ 2021 թվականին զույգը կկարողանա վերադարձնել իր թագավորական կարգավիճակը և վերականգնել նախկին կենսակերպը՝ կատարելով թագավորական ընտանիքի անդամների պարտականությունները:
Նոր բացահայտում. արքայազն Հարրին գաղտնի հաշիվ է ունեցել Instagram-ում