Բելառուսի նախագահ Ալեքսանդր Լուկաշենկոն իր աջակիցների հանրահավաքի ժամանակ ասել է, որ ծնկի է գալիս մարդկանց առաջ, սակայն չի արել դա։
«Խոր երախտագիտություն եմ հայտնում, դուք ցույց տվեցիք, որ այս երկրի ու այս մայրաքաղաքի տերերն եք։ Նրանք շատ են հիշելու, որ մենք հավաքվել ենք այստեղ։ Ծնկի եմ գալիս ձեր առջև, կյանքումս առաջին անգամ։ Դուք արժանի եք դրան», - ասել է Լուկաշենկոն։
Պարզվել է, որ դա փոխաբերական էր ասված։
Բելառուսի նախագահը մոտ կես ժամ ելույթ է ունեցել հանրահավաքի ժամանակ։ Վերջում նա շնորհակալություն է հայտնել մարդկանց աջակցության համար։
Քաղաքի այլ հատվածներում զուգահեռ բազմամարդ հանրահավաք է ընթանում նրա դեմ։
«Մենք պայմանավորվել ենք»․ Լուկաշենկոն ասել է` ինչի մասին է խոսել Պուտինի հետ
Հիշեցնենք` Բելառուսում արդեն 8-րդ օրն է` չեն դադարում բողոքի ակցիաները։ Ցուցարարները համարում են, որ ընտրությունների արդյունքները կեղծվել են։ Ոստիկանության կոշտ գործողությունները վրդովմունքի ավելի մեծ ալիք են առաջացրել։
Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից
Պաշտոնական տվյալների համաձայն՝ օգոստոսի 9-ի ընտրություններում հաղթել է գործող նախագահ Ալեքսանդր Լուկաշենկոն, նրա օգտին է քվեարկել 80,1 տոկոսը, հիմնական մրցակից Սվետլանա Տիխանովսկայայի օգտին՝ 10,12 տոկոսը: Տիխանովսկայան այժմ Լիտվայում է: