ԵՐԵՎԱՆ, 12 օգոստոսի — Sputnik.Հայաստանում ջերմաստիճանի անկումը կշարունակվի։ Տեղեկությունը Facebook–ի իր էջում հայտնել է Շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։
«Օդի ջերմաստիճանն օգոստոսի 12-17-ին աստիճանաբար կնվազի 4-5 աստիճանով: Երեկոյան ժամերին և գիշերը առանձին շրջաններում նաև սպասվում է անձրև և ամպրոպ»,–գրել է Սուրենյանը։
Ավելի վաղ Facebook–յան օգտատերերը կատակել էին ու խնդրել Սուրենյանին եղանակն այսպես պահել մինչև փետրվար։
Նրանց խոսքով` եթե ջերմաստիճանը նվազի, դիմակների պատճառով չեն խեղդվի։
«Թանկարժեք» արտակարգ դրությունը. որքան են տուգանվել քաղաքացիները, և ինչքան է լցվել բյուջեն
Նշենք, որ այսօր մայրաքաղաքում ցերեկային ժամերին կլինի +32–ից +34 աստիճան։