ԵՐԵՎԱՆ, 11 օգոստոսի – Sputnik. «Ռոսսոտրուդնիչեստվոյի» ղեկավար Եվգենի Պրիմակովն այսօր կազմակերպված առցանց ասուլիսի ժամանակ, պատասխանելով Sputnik–ի հարցին, հայտնեց, որ Ռուսաստանում սովորող օտարերկրացի ուսանողներն այսուհետ կկարողանան աշխատել օրինական հիմունքով, դրա համար հատուկ թույլտվության կարիք չկա։
Օգոստոսի 5-ից ուժի մեջ են մտել «ՌԴ–ում օտարերկրացիների իրավական կարգավիճակի մասին» օրենքի փոփոխությունները, որոնց համաձայն` օտարերկրացի ուսանողներին աշխատանքի տեղավորվելու համար անհրաժեշտ է միայն բուհից կամ քոլեջից տեղեկանք ներկայացնել, որը կհաստատի, որ ուսանողն իսկապես սովորում է Ռուսաստանում։
Առանց թղթաբանության ու հերթերի. ՌԴ–ն օտարերկրացիների համար էլեկտրոնային վիզաներ կկիրառի
«Պետդուման օրենք է ընդունել, որի համաձայն` օտարերկրացի ուսանողներին թույլատրվում է օրինական աշխատել», – ասաց Պրիմակովը` հավելելով, որ աշխատաշուկան ավելի հասանելի է դարձել, պատենտների համար վճարելու կարիք այլևս չկա։
Ռոսսոտրուդնիչեստվոն ՌԴ ԱԳՆ–ին ենթակա կառույց է, որը գործում է աշխարհի 81 երկրներում։ Դրանք մարդասիրական դեսպանատներ են, որոնց նպատակներից մեկը մշակույթի, գիտության և կրթության բնագավառներում երկկողմ հումանիտար համագործակցության զարգացումն է։
Պուտինն ԱԽ անդամների հետ քննարկել է հետխորհրդային տարածքում առկա իրավիճակը
Կազմակերպության պաշտոնական կայքի տվյալներով` ԱՊՀ–ի, արտերկրում բնակվող հայրենակիցների և միջազգային մարդասիրական համագործակցության (Ռոսսոտրուդնիչեստվո) գործերով դաշնային գործակալությունը ներկա պահին 97 ներկայացուցչություն ունի աշխարհի 80 երկրներում։ Ավելի վաղ պետական կառույցի ղեկավարը Էլեոնորա Միտրոֆանովան էր։