ԵՐԵՎԱՆ, 9 օգոստոսի - Sputnik. ԱԻՆ-ը հայտնում է, որ փրկարարները Սևանա լճից 30-ամյա քաղաքացու դի են դուրս բերել։
«Օգոստոսի 9-ին ժամը 17։35-ին Ճգնաժամային կառավարման ազգային կենտրոն ահազանգ է ստացվել, որ Ծովագյուղ-Շորժա ավտոճանապարհի 19-րդ կմ-ին՝ Եղեգնուտ լողափում, նկատվում է խեղդվող քաղաքացի։ Դեպքի վայր է մեկնել ԱԻՆ ջրափրկարարական ջոկատից մեկ մարտական հաշվարկ»,- նշված է հաղորդագրության մեջ։
Ջրափրկարարները ափից մոտ 17 մետր հեռավորությունից և մոտ 2,5 մ խորությունից հանել են Նորայր Մ․-ի (ծնված 1990 թ․) դին։
Այսօր ավելի վաղ փրկարարները Հրազդան գետից դուրս էին բերվել 14-ամյա պատանու դին։