Համացանցում հայտնվել են բացառիկ կադրեր Վրաստանի հայաբնակ Ախալքալաք քաղաքի ծեծկռտուքից։
Jnews.ge կայքի Youtube-յան ալիքում հրապարակված տեսանյութում երևում է, թե ինչպես են երկու տասնյակ տղամարդիկ կանգնեցրած մեքենաների մոտ վիճում, ապա սկսում ծեծել միմյանց։ Կադրերում երևում է նաև, թե մի քանի հոգի ինչպես են մահակներով ծեծում մեկին։
Լարված իրավիճակ Ախալքալաքում․ զանգվածային բախումների հետևանքով երկու հայ վիրավորվել են
Նշենք, որ Ախալքալաքի անկարգությունների հետևանքով սպանվել է մեկ քաղաքացի։ Քննության տվյալներով՝ պատճառը վեճն է եղել, որը վերածվել է ծեծկռտուքի։ Միջադեպի ժամանակ 37-ամյա Ա.Գ.–ն ենթադրաբար կրակել է 27-ամյա Վ.Մ.ին, որը հիվանդանոցի ճանապարհին մահացել է։ Սպանության կասկածյալին ձերբակալել են։ Քաղաքն այժմ ոստիկանների խիստ վերահսկողության տակ է։