ԵՐԵՎԱՆ, 20 հուլիսի – Sputnik. Ռուսաստանի նախագահ Վլադիմիր Պուտինը հավանություն է տվել «Անմահ գնդի» քայլերթը հաջորդ տարի տեղափոխելու մտքին։
Ըստ ՌԻԱ Նովոստիի` ՌԴ նախագահը Կերչի «Залив» նավաշինական գործարանի աշխատակիցների հետ շփման ժամանակ ասել է, որ նմանատիպ միջոցառումները չի կարելի անցկացնել ամեն գնով։ Պուտինն ավելացրել է, որ բժիշկները խորհուրդ չէին տալիս ակցիան անցկացնել Ռուսաստանում տիրող համաճարակաբանական իրավիճակի պատճառով։
ՌԴ նախագահն ավելի վաղ առաջարկել էր «Անմահ գնդի» քայլերթն անցկացնել հուլիսի 26-ին՝ Ռազմածովային նավատորմի օրը։
Նշենք` մայիսի 9-ին առցանց «երթ» էր կազմակերպվել, որը շարունակվեց 20 օր, որպեսզի որևէ հերոս մոռացված չմնա։ Պատերազմի մասնակիցների հարազատներն ու հետնորդները մոտ երեք միլիոն լուսանկար էին ուղարկել։
Համաշխարհային վիճակագրության Worldometer կայքի տվյալներով հուլիսի 20-ի դրությամբ աշխարհում կոորնավիրուսով վարակվածների թիվը գերազանցել է 14,6 միլիոնը։ Համավարակի զոհ է դարձել ավելի քանի 609 հազար մարդ։
Ռուսաստանում կորոնավիրուսով վարակվածների թիվը հասել է 777 786–ի, մահացել է 12 427 մարդ։
Դա բեռ չէ․ Պեսկովն անկեղծացել է և գնահատել Պուտինի հետ 20 տարվա աշխատանքը