ԵՐԵՎԱՆ, 20 հուլիսի – Sputnik. ԱՄՆ պետքարտուղար Մայք Պոմպեոն հայտնել է, որ Չեչնիայի ղեկավար Ռամզան Կադիրովը ներառվել է ԱՄՆ-ի սև ցուցակում` մարդու իրավունքների խախտման մեղադրանքով։ Տեղեկությունը հայտնում է ՌԻԱ Նովոստին։
Պետքարտուղարի հայտարարության մեջ նշվում է, որ պատժամիջոցը կիրառվում է, քանի որ Կադիրովը կապ ունի «Չեչնիայի Հանրապետությունում մարդու իրավունքների լուրջ խախտումների հետ»։ Բացի այդ, հայտարարության մեջ նշվում է, որ Պետդեպը այդ տեղեկությունը հաստատող տվյալների է տիրապետում։
Պետդեպում նշել են, որ խոսքն ավելի քան տասը տարվա վաղեմության իրադարձությունների մասին է, այդ թվում՝ «կտտանքների ու արտադատական մահապատժի»։ Սև ցուցակում են նաև Կադիրովի կինը՝ Մեդնի Կադրովան ու նրա դուստրերը՝ Այշատ Կադիրովան ու Կարինա (Խադիժատ) Կադիրովան։
Ի պատասխան ԱՄՆ-ի սև ցուցակում ներառվելու մասին Պոմպեոյի հայտարարությանը՝ Կադիրովն ասել է, որ ընդունում է մարտն ու «հետո ավելի հետաքրքիր է լինելու։
Չեչնիայի նախագահ Ռամզան Կադիրովին հիվանդանոց են տեղափոխել COVID-19-ի կասկածանքով
Ավելի վաղ Կադիրովին ներառել էին ԱՄՆ ֆինանսների նախարարության պատժամիջոցային ցանկում։