ԵՐԵՎԱՆ, 9 հուլիսի –Sputnik. Դատարանը մերժեց ԱԺ նախկին նախագահ Արա Բաբլոյանի նկատմամբ քրեական հետապնդումը դադարեցնելու` նրա փաստաբանների միջնորդությունը: Դատական նիստի ավարտին տեղեկությունը լրագրողներին հայտնեց փաստաբան Արամ Վարդևանյանը:
Երևանի ընդհանուր իրավասության դատարանի Ավան և Նոր Նորք նստավայրում ընթանում էր Արա Բաբլոյանի և ԱԺ աշխատակազմի ղեկավարի նախկին տեղակալ Արսեն Բաբայանի գործով դատական նիստը, որը նախագահում էր դատավոր Հարություն Մանուկյանը։
Բաբլոյանն ու Բաբայանը ներկա էին նիստին։ Նշենք, որ Բաբլոյանին մեղադրանք է առաջադրվել այն բանի համար, որ նա նախատեսված ժամկետից շուտ է ստորագրել ՍԴ նախկին նախագահ Գագիկ Հարությունյանի պաշտոնը լքելու դիմումը` այդպիսով Հրայր Թովմասյանին հնարավորություն տալով ՍԴ նախագահի պաշտոնում մնալ մինչև 70 տարեկանը, ոչ թե 6 տարի։
Արա Բաբլոյանի նկատմամբ քրեական հետապնդումը կդադարեցվի՞. դատարանը գնաց որոշում կայացնելու
Հիշեցնենք` Արա Բաբլոյանը մեղադրվում է ՀՀ քրեական օրենսգրքի 300-րդ հոդվածի և 314-րդ հոդվածի 1-ին մասերով` մի խումբ պաշտոնատար անձանց հետ ՀՀ սահմանադրական դատարանի լիազորություններին տիրանալու, ինչպես նաև պաշտոնեական կեղծիք կատարելու մեջ:
Ըստ առաջադրված մեղադրանքի` 2018–ի մարտի 1-ի դրությամբ, երբ 2015–ի դեկտեմբերի 6-ի փոփոխություններով Սահմանադրության 7-րդ գլխի ուժի մեջ մտնելուն մնացել էր շուրջ 40 օր, մի խումբ պաշտոնատար անձինք այդ պաշտոնում իրենց թիմակցին մինչև 70 տարին լրանալը պաշտոնավարելու հնարավորություն ընձեռելու նպատակով, Սահմանադրությամբ նախատեսված կարգի խախտմամբ, զավթել են իշխանությունը՝ Հրայր Թովմասյանին 2018–ի մարտի 21-ին նշանակելով ՍԴ նախագահ։
ՍԴ–ի այն ժամանակվա նախագահ Գագիկ Հարությունյանի պաշտոնավարման ժամկետը լրանալու էր 2018–ի մարտի 23-ին (70 տարեկան դառնալուն պես), սակայն նա մարտի 21-ով ՀՀ ԱԺ նախագահ Արա Բաբլոյանին հասցեագրված դիմում է ուղարկել ՍԴ նախագահի պաշտոնից հրաժարվելու վերաբերյալ, իսկ Բաբլոյանն այն ստորագրել է։
Չեն յուրացրել, չարաշահել են. Արա Բաբլոյանի ու Արսեն Բաբայանի մեղադրանքները փոխվել են