ԵՐԵՎԱՆ, 9 հուլիսի – Sputnik. ԽՍՀՄ ֆուտբոլի հավաքականի նախկին մարզիչ Վլադիմիր Սալկովը մահացել է կյանքի 84-րդ տարում։ Այդ մասին տեղեկանում ենք ԲԿՄԱ–ի Twitter–ի էջում։
«83 տարեկանում կյանքից հեռացել է ԲԿՄԱ–ի նախկին մարզական տնօրեն Վլադիմիր Սալկովը։ Ցավակցում ենք Վլադիմիր Մաքսիմովիչի հարազատներին ու մտերիմներին»,– նշված է հաղորդագրության մեջ։
Սալկովը ԲԿՄԱ–ի մարզական տնօրեն է եղել 2003-2007 թվականներին։
Սալկովը 10 տարի խաղացել է Դոնեցկի «Շախտյորի» կազմում։ Հանդես է եկել նաև Մոսկվայի «Կռիլյա Սովետով» դրոշի տակ։
Ֆուտբոլիստի կարիերայի ավարտից հետո անցել է մարզչական աշխատանքի «Շախտյորում» և Մոսկվայի «Տորպեդոյում»։ Վլադիմիր Սալկովն աշխատել է նաև ԽՍՀՄ հավաքականի կազմում, Էդուարդ Մալոֆեևի մարզչական շտաբում։