ԵՐԵՎԱՆ, 7 հուլիսի – Sputnik. Չինաստանի հարավ–արևմուտքում այսօր` միասնական պետական քննությունների օրը դպրոցականներին տեղափոխող ավտոբուսն ընկել է ջրամբարը, ավելի քան 20 մարդ մահացել է։ Տեղեկությունը հայտնում են միջազգային ԶԼՄ–ները։
Դեպքը տեղի է ունեցել Գույչժոու նահանգում։ Ավտոբուսը շրջվել է, կոտրել ցանկապատն ու ընկել ջուրը։ Երեխաներից մի քանիսը, հայտնվելով ջրի մեջ, ինքնուրույն կարողացել են ափ հասնել։
Կադրերում երևում է` ինչպես են ափին կանգնածները փրկօղակներ նետում ջուրը։
Արդեն հայտնի է, որ ՃՏՊ–ի զոհ է դարձել 21 մարդ։ Եվս 15–ը վնասվածքներ են ստացել։ Տուժածներին տեղափոխել են մոտակա հիվանդանոց։
Սարսափելի դեպք Մինսկում. տղամարդը պատուհանից նետել է երեխային և շանը, ապա ինքը նետվել
Դեպքի վայրում իրականացվող փրկարարական գործողությունները շարունակվում են։ Արտակարգ ծառայությունների աշխատակիցներն ավտոբուսն արդեն դուրս են բերել ջրից։
Հետաքննություն է ընթանում։