Հայաստանում կորոնավիրուսից 4 տղամարդ, 3 կին է մահացել մեկ օրում

Նախորդ օրն արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:
Sputnik

ԵՐԵՎԱՆ, 5 հուլիսի — Sputnik. ՀՀ առողջապահության նախարարությունը տեղեկացնում է, որ Հայաստանում վերջին մեկ օրում կորոնավիրուսի հետևանքով 7 մարդ է մահացել։ Նրանցից 4-ը տղամարդիկ են, 3-ը՝ կանայք։ Ամենաերիտասարդը 66 տարեկան կին է, ամենատարեցը՝ 86 տարեկան տղամարդ։

706 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 28 606

Նախարարության հաղորդած տվյալներով՝ կորոնավիրուսի հետևանքով մահացած կանայք եղել են 66, 67, 79 տարեկան, իսկ տղամարդիկ՝ 70, 77, 81, 86։ Բոլորն ունեցել են ուղեկցող խրոնիկական հիվանդություններ։

«Նախորդ օրն արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով»,- նշված է նախարարության հաղորդագրության մեջ։

Հավելենք, որ այդպիսի դեպքերի ընդհանուր թիվն արդեն 158 է:

Կօգնի գտնել մեղավորներին. Մարուքյանը` կորոնավիրուսի հարցով ԱԺ քննիչ հանձնաժողովի մասին

Նշենք, որ հուլիսի 5-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 28 606 դեպք, որոնցից 16 140-ն` առողջացած, 484-ը` մահվան ելքով: Կորոնավիրուսային հիվանդությունից այս պահին փաստացի բուժում է ստանում 11824 պացիենտ: Ընդհանուր առմամբ կատարվել է 122 682 թեստավորում:

Վերջին մեկ օրում ունենք կորոնավիրուսային հիվանդության հաստատված 706 նոր դեպք և 205 առողջացած։

Պատերազմը դեռ նոր է սկսվում. Covid-19-ը ստիպում է իմունիտետին՝ քայքայել օրգանիզմը