Sputnik Արմենիայի խմբագրությունն իր հավատարիմ ընթերցողների հետ այսօր տոնում է 5-ամյա հոբելյանը։ Բազմաթիվ սիրալիր շնորհավորանքներն էլ ավելի են գունավորում մեր տոնն ու բարձրացնում մեր տոնական տրամադրությունը։
Sputnik Արմենիային շնորհավորանքներ են հղել ոչ միայն ընթերցողները, փորձագետները, գործընկերները, այլ նաև խոշորագույն քաղաքական գործիչները։ Sputnik Արմենիայի թիմը, հավատարիմ մնալով իր ստեղծագործական ոգուն, հոբելյանի առթիվ երաժշտական հոլովակ է պատրաստել։
Այս տեսահոլովակում միախառնվել են ռեփի ռիթմերը, դիսկո–պարային մոտիվները, իսկ ամենակարևորը` տիեզերական տրամադրությունը, որը կգրավի ոչ միայն Sputnik Արմենիայի նախկին, ներկա և ապագա աշխատակիցներին, այլ նաև բոլոր նրանց, ովքեր հաղորդակից են մեզ։
Sputnik Արմենիան լրատվամիջոց է` ստեղծագործական մոտեցմամբ և պրոֆեսիոնալ թիմով, լի աշխուժությամբ ու էներգիայով։ Շնորհավորում ենք մեզ և ձեզ։