ԵՐԵՎԱՆ, 29 հունիսի – Sputnik. Հանրապետության տարածքում հունիսի 29-ին, հուլիսի 2-3-ը սպասվում է առանց տեղումների եղանակ։ Տեղեկությունը հայտնում են ՀՀ ԱԻՆ «Հիդրոմետ» ծառայությունից։
Հունիսի 30-ի և հուլիսի 1-ի ցերեկն առանձին շրջաններում սպասվում է կարճատև անձրև և ամպրոպ, ամպրոպի ժամանակ` քամու ուժգնացում` 16-21 մ/վ: Առանձին վայրերում հնարավոր է նաև կարկուտ:
Օդի ջերմաստիճանն աստիճանաբար կբարձրանա 4-5 աստիճանով:
Երևան քաղաքում հունիսի 29-ից հուլիսի 3-ը սպասվում է առանց տեղումների եղանակ:
Մայրաքաղաքում հունիսի 29–ի գիշերային ժամերին կգրանցվի +14..+16 աստիճան, իսկ ցերեկը կլինի 28-30 աստիճան տաքություն։