ԵՐԵՎԱՆ, 29 հունիսի — Sputnik. Կորոնավիրուսով հիվանդների շրջանում վերջին 1 օրում գրանցվել է մահվան 7 դեպք, համավարակի հետևանքով մահացածների ընդհանուր թիվը Հայաստանում դարձել է 433:
Ինչպես հայտնում է ՀՀ առողջապահության նախարարությունը, մահացած պացիենտները եղել են մեկ 82 և երկու 67 տարեկան տղամարդիկ և 63, 66 , 84 ու 96 տարեկան կանայք:
Հաղորդագրության մեջ նշվում է, որ բոլորն ունեցել են ուղեկցող խրոնիկական հիվանդություններ։
Վերջին մեկ օրում գրանցվել է նաև մահվան 4 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 143 է:
Հիշեցնենք՝ Հայաստանում կորոնավիրուսով վարակվածների թիվը վերջին մեկ օրում ավելացել է 482–ով և դարձել 25 127։
482 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 25 127