ԵՐԵՎԱՆ, 25 հունիսի — Sputnik. Երեկ՝ հունիսի 24-ին, արտակարգ դեպք է տեղի ունեցել Երևանում։ Ժամը 04։10-ի սահմաններում թիվ 1 համալսարանական հիվանդանոցից ոստիկանության Արաբկիրի բաժին ահազանգ է ստացվել, որ «պարանոցի բազմաթիվ կտրած վերքեր» ախտորոշմամբ իրենց մոտ է տեղափոխվել մի քաղաքացի։ Տեղեկությունը հայտնում է shamshyan.com–ը։
Հիվանդանոց են մեկնել ոստիկանության Արաբկիրի բաժնի օպերատիվ խումբը՝ համայնքային ոստիկանության բաժանմունքի տեսուչի գլխավորությամբ։
Ոստիկանները պարզել են, որ վիրավորն Արաբկիր վարչական շրջանի բնակիչ՝ 37-ամյա Հմայակ Ս-ն է։
Ըստ նախնական տեղեկությունների՝ պարզվել է նաև, որ վերջինս ինքնասպանություն գործելու նպատակով տանը ածելիով վնասվածքներ է պատճառել պարանոցի հատվածում։
Երևանում մեկ օրում 2 երիտասարդի ինքնասպանության փորձ է կանխվել
Փաստի առթիվ ոստիկանության Արաբկիրի բաժնի հետաքննչական բաժանմունքում նյութեր են նախապատրաստվում։
Կայքի տեղեկություններով՝ Հմայակ Ս.–ն աշխատում է Հայաստանում գործող հայտնի ՍՊԸ-ներից մեկում՝ որպես առաքիչ։
«Բանակցեցին ավելի քան մեկ ժամ». ինչպե՞ս են ԱԻՆ հոգեբանները կանխում ինքնասպանության փորձերը