ԵՐԵՎԱՆ, 25 հունիսի — Sputnik. ՀՀ առողջապահության նախարարության կատարած վերլուծություններով` մայրաքաղաք Երևանը վեր է ածվում կորոնավիրուսի տարածման մեծ օջախի: Կառավարության այսօրվա նիստում տեղեկությունը հայտնեց ՀՀ առողջապահության նախարար Արսեն Թորոսյանը:
«Օրինակ՝ նախկինում մենք ունեինք ակտիվ տարածման օջախներ Մալաթիա-Սեբաստիայում և Շենգավիթում: Հիմա այդպիսի տարանջատումներ չկան: Երևանը դառնում է տարածման մեկ մեծ օջախ»,- ասաց նա:
Վերջին 2 շաբաթվա ընթացքում հիվանդության տարածման տեմպն աճել է նաև Վանաձոր քաղաքում:
Հիշեցնենք` նախարարի խոսքով` վերջին 1 օրվա ընթացքում Հայաստանում գրանցվել է հիվանդության 771 նոր դեպք:
Ծանր վիճակում գտնվող քաղաքացիների թիվը 502 Է, ծայրահեղ ծանր վիճակում գտնվողներինը՝ 113: Թոքերի արհեստական օդափոխության սարքերին միացված են 40 հիվանդ:
Աշխարհում արդեն 9,5 միլիոն մարդ է վարակվել կորոնավիրուսով. նոր տվյալներ