ԵՐԵՎԱՆ, 20 հունիսի –Sputnik. «Լուսավոր Հայաստան» խմբակցության պատգամավորներ Էդմոն Մարուքյանը, Տարոն Սիմոնյանը և Արմեն Եղիազարյանը պատրաստվում են հայցեր ներկայացնել «Առաջին լրատվականի» դեմ։ Լուրը հայտնել է Էդմոն Մարուքյանը` Facebook սոցցանցում գրառում կատարելով։
«Լոռու մարզպետը քեֆ է անում, բայց ասում են` ժողովուրդ, լավ չնստեցիք ավտոբուս». Մարուքյան
«Երեկ «Առաջին լրատվականի» կողմից տարածած սուտ լուրերի կապակցությամբ ես, Տարոն Սիմոնյանը և Արմեն Եղիազարյանը պատրաստվում ենք հայցեր ներկայացնել դատարան։ Պահանջելու ենք զրպարտություն համարվող փաստացի տվյալները հրապարակայնորեն հերքել և պատասխանատվության միջոց կիրառել»,–գրառման մեջ նշել է Մարուքյանը։
Հիշեցնենք, որ լրատվամիջոցը հայտնել էր` «Լուսավոր Հայաստան» խմբակցության այդ երեք պատգամավորները հանդիպել են ՀՀ երրորդ նախագահ Սերժ Սարգսյանի հետ:
Դրանից հետո Մարուքյանը ֆեյսբուքյան գրառմամբ հերքել էր լուրերը` ասելով, որ ԼՀԿ բոլոր հանդիպումները թափանցիկ են, հրապարակային և միշտ լուսաբանվող:
Մարուքյանի եղբոր հասցեին Սասուն Միքայելյանի հայտարարության հիման վրա քրգործ է հարուցվել