ԵՐԵՎԱՆ, 18 հունիսի – Sputnik․ «Բարգավաճ Հայաստան» կուսակցության նախկին պատգամավոր Աբրահամ Մանուկյանի կալանավորման միջնորդության հարցը դատարանը կշարունակի քննել վաղը։ Այս մասին լրագրողների հետ զրույցում ասաց նրա պաշտպանական թիմը։
Մանուկյանն անցնում է այն նույն քրեական գործով, որով մեղադրանք է առաջադրվել ԲՀԿ նախագահ Գագիկ Ծառուկյանին: Նա մեղադրվում է Գագիկ Ծառուկյանից կաշառք վերցնելու մեջ։
«Ես ոչ մի բան ոչ հաստատում եմ, ոչ հերքում եմ»,- ասաց Մանուկյանը լրագրողների հետ զրույցում՝ շտապելով հեռանալ դատարանի բակից։
Ավելի վաղ Մանուկյանը ձերբակալվել էր Ազգային անվտանգության ծառայության կողմից, սակայն դատավոր Ռոբերտ Պապոյանը դա ճանաչել էր ոչ իրավաչափ:
Ծառուկյանի աջակիցներից 13-ը բերման են ենթարկվել Շենգավիթի դատարանի բակից