ԵՐԵՎԱՆ, հունիսի - Sputnik. Այսօր՝ հունիսի 17-ին, խոշոր ավտովթար-հրդեհ է տեղի ունեցել Արարատի մարզում։ Ժամը 04։20-ի սահմաններում Երևան-Երասխ ճանապարհի 16 կմ-ում՝ Մարմարաշեն գյուղի վարչական տարածքում, բախվել են Արարատի մարզի բնակիչ՝ 40-ամյա Դավիթ Զաքարյանի վարած BMW X5 մակնիշի և Արարատ քաղաքի բնակիչ՝ 35-ամյա Սարիբեկ Մուսիկյանի վարած Mercedes մակնիշի ավտոմեքենաները։ Տեղեկությունը հայտնում է shamshyan.com-ը:
Բախման հետևանքով BMW X5-ը դուրս է եկել ճանապարհի երթևեկելի գոտուց և գլխիվայր շրջվելով՝ հայտնվել դաշտում, ինչից հետո BMW-ում հրդեհ է բռնկվել։ Վթարի հետևանքով Դ. Զաքարյանը, նրա ուղևոր Լ. Հ-ն և Mercedes-ի վարորդ Ս. Մուսիկյանը մարմնական վնասվածքներով տեղափոխվել են «Էրեբունի» բժշկական կենտրոն։
Արագածոտնի մարզում մեքենան ձորակն է ընկել. 32-ամյա վարորդին բուժկենտրոն են տեղափոխել
Դեպքի վայր են ժամանած ԱԻՆ հրշեջ-փրկարարները մարել են BMW-ում առաջացած կրակը, սակայն ավտոմեքենան ամբողջովին վերածվել է մոխրակույտի։ Վիրավորներին առաջինը օգնության են հասել քաղաքացիները, իսկ BMW-ի վարորդն ու ուղևորը հայտնաբերվել են ավտոմեքենայից դուրս։
Ավտոմեքենաները հետաքննիչի հանձնարարականով տեղափոխվեցին ոստիկանության Մասիսի բաժնի պահպանվող հատուկ տարածք։
Սարսափելի ՃՏՊ Սարդարապատում. մեքենան բախվել է վերամբարձ կռունկին, վարորդը տեղում մահացել է