ԵՐԵՎԱՆ, 15 հունիսի –Sputnik. Ռուսաստանում հետարքրված են Չեխիայի հետ բարի, գործընկերային կապերի հաստատման հարցում և զղջում են առկա խնդիրների համար։ Տեղեկությունը լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրել է ՌԻԱ Նովստին։
«Վերջին ամիսներին, իսկապես, որոշակի լարվածություն ծնվեց մեր երկկողմ հարաբերություններում։ Մենք ափսոսանք ենք հայտնում այդ կապակցությամբ։ Բնականաբար, չենք կարող անտարբեր և հանդուրժող լինել Պրահայի անբայրացակամ քայլերի հանդեպ, և ամեն անգամ մենք ադեկվատ պատասխան ենք տալու, ինչն էլ անում ենք», – ասել է նա։
Միևնույն ժամանակ Պեսկովն ընդգծել է ռուսական կողմի շահագրգռվածությունը Չեխիայի հետ բարի, գործընկերային և փոխշահավետ հարաբերությունների հետագա հաստատման և պահպանման հարցում։
Պեսկովը նշել է նաև, որ այդ սկզբունքը վերաբերում է եվրոպական բոլոր պետություններին։
Չեխիան մարշալ Կոնևի արձանի շուրջ դետեկտիվ է հորինել ու հրաժարվում է այն վերադարձնել ՌԴ–ին
Հիշեցնենք` Չեխիայի դեսպանին Ռուսաստանի ԱԳՆ են կանչել՝ կապված դիվանագիտական սկանդալի հետ։ Ապրիլի վերջին Respekt շաբաթաթերթը հայտնել էր, որ ռուսական դիվանագիտական անձնագրով ոմն տղամարդ Պրահա է ժամանել։ Իբր թե նրա մոտ րիցին է եղել, լրագրողների պնդմամբ՝ երեք քաղաքական գործիչների թունավորելու համար։ Խոսքն այն քաղաքական գործիչների մասին է, որոնք կապ ունեն խորհրդային մարշալ Իվան Կոնևի հուշարձանը ապամոնտաժելու ու ՌԴ դեսպանատան դիմաց նրա անվան հրապարակը Բորիս Նեմցովի անունով կոչելու հետ։