Ռասիզմի ու ոստիկանության ամենաթողության դեմ բողոքի ակցիան Փարիզում վերաճել է անկարգությունների։
Ակցիայի մասնակիցները պահանջել են, որպեսզի ոստիկանները քայլերթ սկսելու թույլտվություն տան (Ֆրանսիայի մայրաքաղաքում տասից ավելի մարդու մասնակցությամբ հավաքներն արգելված են)։
Մերժում ստանալուց հետո նրանք սկսել են ապակե շշեր, ներկով լի տարաներ, ֆայերներ ու ճայթուկներ նետել ոստիկանների վրա։ Ոստիկանությններն էլ արցունքաբեր գազ են կիրառել ցուցարարների դեմ։
«Չեմ կարողանում շնչել»․ խռովությունները տարածվել են ԱՄՆ-ում
Հիշեցնենք՝ ռասիզմի դեմ բողոքի ակցիաները սկսվել են աֆրոամերիկացի Ջորջ Ֆլոյդի մահից հետո։ Համացանցում հայտնվեց մի տեսանյութ, որում երևում էր, թե ինչպես են ոստիկանները ձեռնաշղթա հագցրել Ֆլոյդին, գետնին գցել և երեքով հարձակվել նրա վրա, իսկ նրանցից մեկը ծնկով սեղմում է աֆրոամերիկացու կոկորդը։ Ֆլոյդը տեսանյութում մի քանի անգամ ասում է, որ չի կարողանում շնչել, բայց ոստիկաններն անտեսում են նրա ասածը։
ԱՄՆ-ում անկարգությունների հետևանքով նաև հայերին պատկանող բիզնեսներ են տուժել