ԵՐԵՎԱՆ, 12 հունիսի — Sputnik. Կորոնավիրուսի հայտնաբերման PCR թեստերի վրա ՀՀ պետական բյուջեից ամսական շուրջ 1 մլն դոլար գումար է ծախսվում: Այսօր ԱԺ-ում տեղեկությունը հայտնեց ՀՀ առողջապահության նախարար Արսեն Թորոսյանը:
«Այն թեստերով, որոնք մենք ձեռք էինք բերել Չինաստանից, մեկ PCR հետազոտության գինը շուրջ 30 դոլար է կազմում: Եթե մենք օրական 1000 հետազոտություն անենք, դա օրական 30 000 դոլար է, իսկ իսկ ամսական՝ մոտավորապես 1 մլն դոլար»,- ասաց նախարարը:
Թորոսյանը հույս հայտնեց, որ տեղական արտադրության թեստերը, որոնց ինքնարժեքն անհամեմատ ավելի ցածր է, թույլ կտան էապես կրճատել թեստավորման համար բյուջեից ծախսվող գումարների ծավալը:
«Իհարկե, այնտեղ կան նաև այլ նյութերի՝ փայտիկի, փորձանոթի, սարքերի, ամորտիզացիայի ստաբիլ ծախսեր, բայց բուն թեստի գինը եթե մեզ հաջողվի նվազեցնել, մենք էական տնտեսում կունենանք»,- ասաց Թորոսյանը:
Դեռ վաղ է խոսել կորոնավիրուսի աճի տեմպերի անկման մասին. Թորոսյան
Հիշեցնենք` ՀՀ առողջապահության նախարարության` այսօր առավոտյան հրապարակած տվյալների համաձայն` մինչ օրս ՀՀ-ում կատարված ընդհանուր թեստերի թիվը 77 686 է: Այս թիվը 30 դորալով հաշվարկելու դեպքում ստացվում է, որ մինչ օրս ՀՀ-ում միայն թեստավորման վրա արդեն 2 330 580 դոլար գումար է ծախսվել պետական բյուջեից:
Հայաստանում կորոնավիրուսով վարակվածների թիվը մեկ օրում ավելացել է 612–ով և դարձել 15 281