ԱՄՆ-ն առաջարկել է խստացնել պատժամիջոցները Ռուսաստանի դեմ։ Նախաձեռնության հեղինակները Հանրապետական կուսակցության ներկայացուցիչներ են։ Հանրապետականներն ուզում են պատժել Ռուսաստանին այն բանի համար, որ երկիրը հաստատվում է որպես գլոբալ տերություն, ինչն, իբր, խախտում է ԱՄՆ-ի համաշխարհային գերակայությունը։
Բացի այդ, Մոսկվային մեղադրում են ահաբեկչական կազմակերպություններին աջակցելու մեջ, այդ պատճառով էլ առաջարկում են Ռուսաստանը ներառել «ահաբեկչությունը հովանավորող երկրների ցանկում», որը կազմում է ԱՄՆ նախագահի վարչակազմը։
Խոսքն Իրանի իսլամական հեղափոխության պահապանների կորպուսի (ԻՀՊԿ) ու Ռուսաստանում արգելված «Հեզբոլահ» ու «Թալիբան» շարժումների մասին է։ Մոսկվան նորից է հերքել ահաբեկչության հովանավոր լինելու մեղադրանքները
«Ռուսաստանն ահաբեկչության դեմ պայքարի հարցում եղել ու մնում է անողոք, գործում է ի պաշտպանություն խաղաղության ու անվտանգության․․․ ԱՄՆ-ն ոչ միայն մշտապես անտեսում է լայն հակաահաբեկչական կոալիցիա ստեղծելու առաջարկը, այլև գործում է միջազգային նորմերի խախտումներով։ Հիմա էլ փորձում է բացահայտ վատություն անել Ռուսաստանին` նրա դեմ սուտ հայտարարություններ տարածելով»,–ասել է ՌԴ Պետդումայի փոխխոսնակ Իրինա Յարովայան։
Հայաստանը պետք է կողմնորոշվի ընկերների հարցում․ ՄԱԿ-ում Իրանի մասով «մեծ կռիվ» է սպասվում
Նա նշել է, որ ոչ թե Մոսկվան, այլ ԱՄՆ–ն է ակտիվորեն աջակցում Սիրիայում գործող ահաբեկչական խմբավորումներին, ինչի ապացույցները Դամասկոսն ու Մոսկվան բազմիցս են ներկայացրել, բացի այդ, Աֆղանստանում «Թալիբան» շարժման հետ հենց ամերիկացիներն են պայմանագիր կնքել, ոչ թե Մոսկվան։
Նշենք, որ հանրապետականների զեկույցը դեռ խորհրդատվության կարգով է ներկայացվել, սակայն հնարավոր է, որ նախագահական ընտրությունների նախօրեին առաջարկն ընդունվի։ Դոնալդ Թրամփը երկրի ներքին գործերում հաջողության չի հասել և չի բացառվում, որ հաղթանակի համար նա ստիպված լինի օգտագործել «ռուսական խաղաքարտը»։