ԵՐԵՎԱՆ, 6 հունիսի — Sputnik. Մահացել է ճանաչված հայ ռեժիսոր Սերգեյ Փարաջանովի տիկինը՝ Սվետլանա Իվանովնա Շչերբատյուկը։ Տեղեկությունը Facebook-ի իր էջում հայտնել է Հայաստանում Ուկրաինայի նախկին դեսպան Ալեքսանդր Բոժկոն:
«Մահացել է Սվետլանա Իվանովնա Շչերբատյուկը՝ հանճարեղ ուկրաինական, հայ և վրաց կինորեժիսոր Սերգեյ Փարաջանովի տիկինը»,-գրել է նա:
Սերգեյ Փարաջանովն ու Սվետլանա Շչերբատյուկ-Փարաջանովան միասին ապրել են 1956-ից մինչև 1962 թվականը: Նա ամուսնացել է ընդամենը 16 տարեկանում։ Նրանց որդին՝ Սուրեն Փարաջանովը, ծնվել է 1958 թվականին։
Սվետլանա Շչերբատյուկ-Փարաջանովան մասնագիտությամբ թարգմանիչ էր, ռուսաց լեզվի ուսուցիչ է աշխատել օտարերկրացիների համար:
Սերգեյ Փարաջանովը (Սարգիս Փարաջանյան) խորհրդային կինոռեժիսոր Է, սցենարիստ և նկարիչ: Բազմաթիվ կինոմրցանակների դափնեկիր, Ուկրաինական ԽՍՀ և Հայկական ԽՍՀ ժողովրդական արտիստ:
«Նա գնաց Երևան, բայց սիրտը մնաց այստեղ». տան պատմությունը, որտեղ ապրել է Փարաջանովը