Սարսափելի դեպք Շիրակի մարզում. այրված տանը կանանց դիակներ են հայտնաբերվել

ԵՐԵՎԱՆ, 19 մայիսի – Sputnik. Շիրակի մարզի Լուսաղբյուր գյուղում տուն է այրվել, հրդեհը մարելուց հետո փրկարարներն այրված տանը երկու դիակ են հայտնաբերել։

ՀՀ արտակարգ իրավիճակների նախարարության տարածած հաղորդագրության համաձայն` Ճգնաժամային կառավարման ազգային կենտրոնը մայիսի 19-ին, ժամը 00։44-ին ահազանգ է ստացել, որ հրդեհ է բռնկել Լուսաղբյուր գյուղի 4-րդ փողոցի թիվ 12 տանը։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից չորս մարտական հաշվարկ։

Հովվաշունը երախով բռնել է տարեց կնոջ կոկորդից ու թափահարել. փեսան վրեժ է լուծել զոքանչից

Հրդեհը մեկուսացվել է ժամը 02:15-ին, մարվել՝ 06:08-ին: Ամբողջությամբ այրվել են տունը (մոտ 240 քմ), մոտակայքում կայանած «ՎԱԶ-21099» մակնիշի ավտոմեքենան, «ԿամԱԶ» մակնիշի ավտոմեքենան՝ մասամբ, վնասվել են թիվ 10 տան պատուհանը և 1-ին փողոցի թիվ 33 տան երեք պատուհան։

Փրկարարները տանը հայտնաբերել են Մեդա Մ․-ի (ծնված 1928 թ․) և Քնարիկ Մ․-ի (ծնված 1963 թ.) դիերը:

Ողբերգական վթար Արարատի մարզում․ «Opel»-ի 47-ամյա վարորդը մահացել է