ԵՐԵՎԱՆ, 12 մայիսի – Sputnik. Այսօր Ազգային ժողովի նիստում պատգամավորները միաձայն հաստատեցին «Հանրաքվեի մասին» սահմանադրական օրենքում կատարված փոփոխությունները: Օրենսդրական փոփոխությունների համար քվեարկեցին 97 պատգամավոր:
Նոր օրենքի համաձայն` հանրաքվեի անցկացման համար նախաձեռնող խմբում մարդկանց նվազագույն թիվը 50 000-ից կկրճատվի մինչ 25 000:
Օրենքի նախագծի հեղինակներն են իշխող «Իմ քայլը» դաշինքի պատգամավորներ Հերիքնազ Տիգրանյանը և Համազասպ Դանիելյանը:
Արտակարգ դրության պայմաններում հանրաքվե չի կարող լինել. Փաշինյան
Երեկ ԱԺ-ում Համազասպ Դանիելյանը նշեց, որ իրենք այս նախաձեռնությամբ կրկնակի նվազեցնում են այն մարդկանց թիվը, որոնք անհրաժեշտ են նախաձեռնությունը գրանցելու համար, ինչպես նաև երկարացնում են ստորագրությունները հավաքելու համար անհրաժեշտ ժամանակահատվածը։
Արդարադատության նախարարի տեղակալ Ռաֆիկ Գրիգորյանն էլ հավելեց, որ կառավարությունը կողմ է փոփոխությանը:
Գորգիսյան. ««Լուսավոր Հայաստանը» չի էլ պատրաստվում քննարկել մանդատները վայր դնելու թեման»
Հիշեցնենք՝ հունվարի 21-ի ԱԺ նիստում օրենքի նախագիծն առաջին ընթերցմամբ ընդունվել է 119 կողմ, 1 դեմ և 1 ձեռնպահ ձայներով:
Ալեն Սիմոնյանը սպասում է Էդմոն Մարուքյանի ու Անի Սամսոնյանի ներողությանը