ԵՐԵՎԱՆ, 11 մայիսի — Sputnik. Մայիսյան եռատոնի կապակցությամբ Արցախի Հանրապետության պաշտպանության բանակի հրամանատարությունը մի քանի զինծառայողների բնակարաններ է նվիրել։ Տեղեկությունը հայտնում է ԱՀ պաշտպանության նախարարություն պաշտոնական կայքը։
«Մայիսյան եռատոնի կապակցությամբ բանակի հրամանատարության կողմից գեղեցիկ անակնկալի են արժանացել հյուսիսային ուղղությամբ գործող զորամասերից մեկի զինծառայողները: Բանակի հրամանատարի կապիտալ շինարարության և զորքերի բնակավորման գծով տեղակալն ու միավորման հրամանատարը մայիսի 10-ին զինծառայողներին են հանձնել նոր բնակարանների վկայագրերը»,-նշված է հաղորդագրության մեջ:
Նախքան բնակարանամուտը՝ միջոցառման մասնակիցները, սահմանափակ կազմով, հարգանքի տուրք են մատուցել գետավանցի զոհված ազատամարտիկների հիշատակին:
Յոթ երեխաները փողոցում են հայտնվել․ Էջմիածնի քաղաքապետը կօգնի՞ բազմազավակ ընտանիքին
Պաշտպանության նախարարությունից տեղեկացնում են, որ բնակարանաշինարարության ծրագիրը այս հատվածում կկրի շարունակական բնույթ և էական խթան կհանդիսանա ծառայության որակական ցուցանիշների բարելավման համար: