Բազմաթիվ հակասական տեսակետներ կան այն մասին, թե ինչն է օգնում, որ օրգանիզմը երիտասարդը մնա և ինչն է ծերացնում մարդուն։ Եթե մինչ այժմ դուք լսել եք, որ պանիրը միայն վնասում է օրգանիզմն ու ծերացնում, ապա գիտնականների նոր ուսումնասիրություններն ապացուցում են, որ կաթնամթերքի այս տեսակը կարող է լավ «դաշնակից» լինել հավերժ երիտասարդ մնալու պայքարում։
Sputnik–ը փորձել է պարզել` ինչ է իրականում տեղի ունենում մեր օրգանիզմում, երբ պանիր ենք ուտում։
Պանրի օգտակար հատկությունները
Clinical Nutrition պարբերականում հրապարակված ուսումնասիրությունը ցույց է տալիս, որ պանրի մի շարք տեսակներում առկա կաթնաթթուներից մեկը նվազեցնում է սրտային հիվանդությունների վտանգը։
Պանրի մեջ բազմաթիվ օգտակար սպիտակուցներ ու ճարպեր կան, որոնք օգնում են օրգանիզմի բջիջների վերականգնմանը։ Պանիրը հարուստ է կալցիումով, որը ամրացնում է ոսկորները, ինչպես նաև վիտամին D–ով և հազվագյուտ B12–ով, որի շնորհիվ նոր բջիջներ են առաջանում` էրիտրոցիտներ։
Պանիրը նաև բազմաթիվ օգտակար բակտերիաներ է պարունակում, իսկ իր ֆերմենտավորման շնորհիվ բարենպաստ ազդեցություն է թողնում աղեստամոքսային տրակտի միկրոֆլորայի վրա և օգնում նյութափոխանակության գործընթացին։
Ինչպե՞ս պահպանել քաշը նիհարելուց հետո. խորհուրդներ Լիլիթ Բաբասյանից
Պանրի վնասակար հատկությունները
Իսկ հիմա` ոչ այդքան հաճելի հատկությունների մասին։ Գլխավոր վտանգը, որ թաքցնում է պանիրը, ոչ թե բարձր կալորիականությունն ու ճարպերն են, այլ աղը։ Իսկ աղի չարաշահումը կարող է հանգեցնել երիկամների աշխատանքի խաթարման, հեղուկի պահպանման և այտուցների։
Սննդակարգ` առանց սահմանափակումների. անգլուհին պիցցայի և մակարոնի օգնությամբ նիհարել է 32կգ
Մի շարք հարցեր է ծնում նաև պանրի որակը, ավելի ճիշտ` կաթը, որից այն պատրաստվում է։ Եթե կովին հակաբիոտիկներ են տվել, ապա դրանք անպայման կհայտնվեն պանրում։ Այնպես որ պանիր ընտրելիս պետք է շատ ուշադիր լինել, որպեսզի խուսափեք էնդոկրին համակարգի ու հորմոնների հետ կապված խնդիրներից։
Բայց նաև պետք չէ ծայրահեղությունների մեջ ընկնել։ Պարզապես չափավոր կերեք և մի մտածեք, որ պանիրը կօգնի ավելի երիտասարդ տեսք ունենալ կամ էլ կծերացնի ձեզ։